Q104
কবিতাটোৰ পংক্তিৰ মাজত দেৱ, সেৱ, কেৱ শব্দকেইটাৰ অন্ত্যমিল প্ৰয়োগ হৈছে। ইয়াৰে তৃতীয়টো শব্দৰ অৰ্থ হৈছে
- (1) মানৱ
- (2) মানৱধৰ্ম
- (3) কেতিয়াও
- (4) কোনো
CTET 7 Feb 2026 Paper 1 Assamese, Question 104
নিৰ্দেশ : তলৰ কবিতাটো মনোযোগেৰে পঢ়ি তাৰ তলত দিয়া প্ৰশ্নসমূহৰ আটাইতকৈ উপযুক্ত/শুদ্ধ বিকল্পটো নিৰ্বাচন কৰি উত্তৰ কৰাঁ :
আহিছে মানুহ গইছে মানুহ,
মানুহ ময়াপী জীৱ ;
মানুহ সোঁতৰ অন্ত নাইকিয়া,
বুলিলে মৰত কিয় ?
মানৱী জনম দিয়া উটুৱাই
মানৱী কৰম সোঁতে ;
মানুহৰ মৰম বুজিবা মানুহে
ধৰম যে মৰমতে।
মানুহেই লগ মানুহেই সঙ্গ
মানুহেই পৰাৎপৰ ;
এই যে পৃথিৱী স্বৰ্গতো অধিক
মানুহৰ নিজাপী ঘৰ।
মানুহেই দেৱ মানুহেই সেৱ
মানুহ বিনে নাই কেৱ ;
কৰাঁ কৰাঁ পূজা পাদ্য-অৰ্ঘ্য লৈ,
জয় জয় মানৱ দেৱ।
Solution.
CBSE answer: (4)
উত্তৰ: (4) কোনো
- পংক্তিটো হৈছে: ‘মানুহ বিনে নাই কেৱ’।
- ‘কেৱ’ মানে কোনো বা কোনো এজন; অৰ্থাৎ মানুহৰ বাহিৰে আন কোনো নাই।
- অন্ত্যমিল ৰাখিবলৈ কবিয়ে ‘কেও’ শব্দটোক ‘কেৱ’ ৰূপে লিখিছে, ‘দেৱ’ আৰু ‘সেৱ’ৰ সৈতে মিলাই।
সাৱধান: ‘কেতিয়াও’ সময় বুজায়, বাক্যটোত সময়ৰ কথা নাই।