By signing in you confirm you are 18 or older, or have your parent’s or guardian’s consent.

CTET 7 Jul 2024 Paper 1 Tamil, Question 105

Topic: Grammar

Passage

பாடலைப் படித்து அதனைத் தொடர்ந்து வரும் வினாக்களுக்குச் சரியான பதிலைத் தேர்ந்தெடுத்து எழுதவும். (கே.எண். 100 - 105)

கூதிர்ப் பருவத்தில் கூதிர்க்காற் றடிக்கும்
மிதந்து செல்லும் மேகம் சூற்கொளும்
குளத்து மீனெலாம் குஞ்சு பொரிக்கும்

வெப்பங் கொடுக்கும் பருவமே வேனிலாம்
இளவேனில் முதுவேனில் இரண்டும் - செங்கதிர்க்
கோபத்தில் தோன்றும் குழந்தைக ளாகும்.

சித்திரை வைகாசி இளவேனிற் காலம்
குயில் கூவு தற்கிது மிகவனு கூலம்
எச்சில் வண்டுகள் இப்பரு வத்தில்
விரிந்த பூக்களில் விழித்தெழுந் திருக்கும்.

ஆவணி புரட்டாசி கார்கால மாகும்.
அறுபது நாட்களே அதன்வய தாகும்.
சீர்கொண்டு விளங்கும் கார்காலந் தன்னில்
நீர்கொண்ட மேகம் ஊர்வலம் போகும்.
வந்து வந்து வாடைக்காற் றடிக்கும்.

முன்பனிக் காலம் முடிந்த பின்னர்ப்
பின்பனிக் காலம் உடனே பிறக்கும்
இன்னல் விளைக்கும் இக்காலந் தன்னில்
உத்தர வின்றி உலவைக்காற் றடிக்கும்.

முற்றிய வெப்பமே முதுவேனிற் பருவமாம்.
கோடை வந்ததும் கோடைக்காற் றடிக்கும்.
ஏமாற்றும் கானல்நீர் எங்கும் தோன்றும்.
வலியனும், காடையும், வானம் பாடியும்,
மகிழ்ச்சி கொள்ளும். மல்லி மலரும்.
மாதிரி காட்டிப் பாதிரி பூக்கும்.

Q105

வந்து வந்து - இலக்கணம் தருக :

  1. (1) இரட்டைக் கிளவி
  2. (2) அடுக்குத் தொடர்Correct answer
  3. (3) பண்புப் பெயர்
  4. (4) வினைத் தொகை

Solution.

CBSE answer: (2)

விடை: (2) அடுக்குத் தொடர்

  1. 'வந்து' என்ற சொல் தனியாகவும் பொருள் தரும்; அது இருமுறை அடுக்கி வந்து, மீண்டும் மீண்டும் என்ற பொருளைத் தருகிறது.
  2. தனித்தும் பொருள் தரும் சொல் அடுக்கி வருவது அடுக்குத் தொடர்.

கவனம்: இரட்டைக் கிளவியில் (சலசல, கலகல) சொல்லைப் பிரித்தால் பொருள் தராது; 'வந்து' பிரித்தாலும் பொருள் தருவதால் அது இரட்டைக் கிளவி அல்ல.