By signing in you confirm you are 18 or older, or have your parent’s or guardian’s consent.

CTET 7 Jul 2024 Paper 1 Tamil, Question 104

Topic: Poem comprehension

Passage

பாடலைப் படித்து அதனைத் தொடர்ந்து வரும் வினாக்களுக்குச் சரியான பதிலைத் தேர்ந்தெடுத்து எழுதவும். (கே.எண். 100 - 105)

கூதிர்ப் பருவத்தில் கூதிர்க்காற் றடிக்கும்
மிதந்து செல்லும் மேகம் சூற்கொளும்
குளத்து மீனெலாம் குஞ்சு பொரிக்கும்

வெப்பங் கொடுக்கும் பருவமே வேனிலாம்
இளவேனில் முதுவேனில் இரண்டும் - செங்கதிர்க்
கோபத்தில் தோன்றும் குழந்தைக ளாகும்.

சித்திரை வைகாசி இளவேனிற் காலம்
குயில் கூவு தற்கிது மிகவனு கூலம்
எச்சில் வண்டுகள் இப்பரு வத்தில்
விரிந்த பூக்களில் விழித்தெழுந் திருக்கும்.

ஆவணி புரட்டாசி கார்கால மாகும்.
அறுபது நாட்களே அதன்வய தாகும்.
சீர்கொண்டு விளங்கும் கார்காலந் தன்னில்
நீர்கொண்ட மேகம் ஊர்வலம் போகும்.
வந்து வந்து வாடைக்காற் றடிக்கும்.

முன்பனிக் காலம் முடிந்த பின்னர்ப்
பின்பனிக் காலம் உடனே பிறக்கும்
இன்னல் விளைக்கும் இக்காலந் தன்னில்
உத்தர வின்றி உலவைக்காற் றடிக்கும்.

முற்றிய வெப்பமே முதுவேனிற் பருவமாம்.
கோடை வந்ததும் கோடைக்காற் றடிக்கும்.
ஏமாற்றும் கானல்நீர் எங்கும் தோன்றும்.
வலியனும், காடையும், வானம் பாடியும்,
மகிழ்ச்சி கொள்ளும். மல்லி மலரும்.
மாதிரி காட்டிப் பாதிரி பூக்கும்.

Q104

சீர்கொண்டு விளங்கும் ______, காடை மகிழும் ______.

  1. (1) வாடை, இளவேனில்
  2. (2) வானம்பாடி, கூதிர்
  3. (3) கூதிர், இளவேனில்
  4. (4) கார்காலம், முதுவேனில்Correct answer

Solution.

CBSE answer: (4)

விடை: (4) கார்காலம், முதுவேனில்

  1. "சீர்கொண்டு விளங்கும் கார்காலந் தன்னில்" என்று பாடல் கூறுகிறது.
  2. முதுவேனில் பகுதியில் "வலியனும், காடையும், வானம் பாடியும், மகிழ்ச்சி கொள்ளும்" என்று வருகிறது.
  3. எனவே இரண்டு இடைவெளிகளுக்கும் 'கார்காலம்', 'முதுவேனில்' பொருந்தும்.
  4. இரண்டு வரிகளும் பாடலின் வெவ்வேறு பகுதிகளில் உள்ளன; ஒவ்வொன்றையும் தனியாகத் தேட வேண்டும்.

கவனம்: வானம்பாடி பறவை; அது பருவத்தின் பெயர் அல்ல.