Q105
કેવા પટારામાં કવિનો ખજાનો સલામત છે ?
- (1) ખાલીખમ
- (2) અડધા
- (3) આખા
- (4) છલોછલ
CTET 8 Feb 2026 Paper 1 Gujarati, Question 105
નીચેનું કાવ્ય વાંચી, તેની નીચે પૂછાયેલા પ્રશ્નોના ઉત્તરોમાંથી સાચો વિકલ્પ શોધીને લખો. (પ્ર. 100 થી. 105)
ઓચિંતુ કોઈ મને રસ્તે મળે
ને કદી ધીરેથી પૂછે કે કેમ છે ?
આપણે તો કહીએ કે દરિયા શી મોજમાં
ને ઉપરથી કુદરતની રહેમ છે.
ફાટેલાં ખિસ્સાની આડમાં મૂકી છે અમે
છલકાતી મલકાતી મોજ
એકલો ઊભું ને તોય મેળામાં હોઉં એવું
લાગ્યા કરે છે મને રોજ
તાળું વસાય નહીં એવડી પટારીમાં
આપણે ખજાનો હેમખેમ છે.
- આપણે તો કહીએ કે...
આંખોમાં પાણી તો આવે ને જાય
નથી ભીતર ભીનાશ થતી ઓછી
વધ-ઘટનો કાંઠાઓ રાખે હિસાબ
નથી પરવા સમંદરને હોતી
સૂરજ ઊગે ને આથમીયે જાય
મારી ઉપર આકાશ એમનેમ છે.
- આપણે તો કહીએ કે...
Solution.
CBSE answer: (4)
જવાબ: (4) છલોછલ
- પંક્તિ: ‘તાળું વસાય નહીં એવડી પટારીમાં આપણે ખજાનો હેમખેમ છે.’
- પટારી એટલી ભરેલી છે કે તેનું ઢાંકણું બંધ થઈ તાળું લાગી શકતું નથી, એટલે તે છલોછલ છે.
- આ ખજાનો કવિની મોજ છે, જે પહેલી કડીમાં પણ ‘છલકાતી’ કહેવાઈ છે.
સાવધાન: (1) ખાલીખમ ખોટો; ખાલી પટારીમાં ખજાનો હોઈ જ ન શકે.