By signing in you confirm you are 18 or older, or have your parent’s or guardian’s consent.

CTET 14 Dec 2024 Paper 2 Tamil, Question 124

Topic: Reading comprehension

Passage

பத்தியைப் படித்து அதனைத் தொடர்ந்து வரும் வினாக்களுக்குச் சரியான பதிலைத் தேர்ந்தெடுத்து எழுதவும் (கே.எண். 121 - 128)
அச்சியந்திரங்கள் ஏற்பட்ட பிறகுதான் எல்லா நாடுகளிலும் பத்திரிகைகள் வெளிவரத் தொடங்கின. நமது நாட்டிலே அச்சியந்திரம் அதிகமாக ஏற்பட்ட பத்தொன்பதாம் நூற்றாண்டிலே வார இதழ், திங்கள் இதழ் முதலிய வெளியீடுகள் தோன்றின. பத்தொன்பதாம் நூற்றாண்டுக்கு முன்னர் பத்திரிகைகள் தமிழில் வெளிவந்ததாகத் தெரியவில்லை. முதன் முதலாகத் தமிழில் வார இதழ், திங்கள் இதழ் முதலிய பத்திரிகைகளை வெளியிட்டவர்கள் கிருஸ்துவப் பாதிரிமார்களே. சென்ற நூற்றாண்டின் தொடக்கத்தில் அச்சுக் கூடங்களை வைக்கும் உரிமை ஐரோப்பியப் பாதிரிமார்களுக்கும், அரசாங்கத்தாருக்கும் மட்டும் இருந்தது. மற்றச் சுதேசிகளுக்கு அந்த உரிமை இல்லாமலிருந்தது. சென்ற நூற்றாண்டின் தொடக்கத்தில் ஐரோப்பியப் பாதிரிமார்கள் அச்சுக் கூடங்களை வைத்திருந்தபடியினாலும், ஐரோப்பிய நாடுகளில் வார, மாத இதழ்கள் வெளிவருவதைக் கண்டவர்களானபடியினாலும், அவர்கள் தமிழில் முதன் முதலாகத் தமிழ் இதழ்களை வெளியிட்டார்கள். அவர்கள் கிறிஸ்துவரானபடியினால் அவர்களின் வெளியீடுகள் எல்லாம் கிறிஸ்துமதச் சார்புடையனவாய் இருந்தன. சுதேசிகளுக்கும் அச்சுக்கூடம் வைக்கும் உரிமை ஏற்பட்ட பிறகு, இந்துக்களும், முஸ்லிம்களும் பத்திரிகைகளை வெளியிட்டார்கள். பொதுவாகப் பத்திரிகைகள் நெடுங்காலம் தொடர்ந்து நடைபெறுவது இல்லை. பத்தொன்பதாம் நூற்றாண்டிலே தோன்றிச் சில காலம் நடந்து பின்னர் மறைந்துபோன தமிழ்ப் பத்திரிகைகள் பல.

Q124

__________ அச்சுக் கூடம் வைக்கும் __________ ஏற்பட்ட பிறகு __________, __________ பத்திரிகைகள் வெளியிடத் தொடங்கினார்கள்.

  1. (1) சுதேசிகளுக்கு, பயிற்சி, இந்துக்கள், தமிழில்
  2. (2) ஐரோப்பியர்களுக்கு, உரிமை, இந்துக்கள், முஸ்லிம்கள்
  3. (3) தமிழ்நாட்டில், உரிமை, இந்துக்கள், சுதேசிகள்
  4. (4) சுதேசிகளுக்கு, உரிமை, இந்துக்கள், முஸ்லிம்கள்Correct answer

Solution.

CBSE answer: (4)

விடை: (4) சுதேசிகளுக்கு, உரிமை, இந்துக்கள், முஸ்லிம்கள்

  1. 'சுதேசிகளுக்கும் அச்சுக்கூடம் வைக்கும் உரிமை ஏற்பட்ட பிறகு, இந்துக்களும், முஸ்லிம்களும் பத்திரிகைகளை வெளியிட்டார்கள்' என்பது பத்தியின் வரி.
  2. நான்கு இடைவெளிகளும் இந்த வரியோடு பொருந்துவது (4) மட்டுமே.

கவனம்: (1)-இல் 'பயிற்சி' என்பது தவறு; பத்தி 'உரிமை' என்றே சொல்கிறது. (2) ஐரோப்பியர்களுக்கு உரிமை தொடக்கத்திலேயே இருந்தது; (3) 'தமிழ்நாட்டில்' என்பது யாருக்கு என்று சொல்லவில்லை.