CTET 8 Feb 2026 Paper 1 Mizo, Question 94

Hriattirna : Ngun takin a hnuaia thute hi chhiar la, a chhanna dik thlang chhuak rawh. (Q. Nos. 91 to 99)
Pu Zara chuan, "Anih leh, lehkha chhiar thiam in duh em ?" a ti a. Diki chuan, "Duh e," a ti a. Pu Zara chuan, Lehkha chhiar thiam in duh chuan in chhiar thin atul a ni. "Lehkha chhiar hnem apiangin lehkha chhiar an thiam asin," a ti a. Rema chuan, "Mahse a peihawm lo e!" a ti a. A pu chuan. "Engah nge a peihawm loh vang ? I tui zâwng tak kha i chhiar mai dawn alawm," a ti a. Rema chuan, "Ka pu ka tui zâwng lehkhabu chhiar tur a awm dawn em ni ?" a ti a. A pu chuan, "Awm e a, milem bu te, thawnthu bu te, nungcha chanchin ziahna bu te chi hrang hrang a tam alawm," a ti a. Rema chuan, "Anih leh ka pu, eng nge lehkha chhiar chu a tangkaina ?" a ti a.
Pu Zara chuan, "Lehkha chhiar hnem chuan thil an hre hnem a, an fing deuh nge nge thin. An ngaihtuahna a zau va, an bula awm pawh a nuam duh. Nang pawh fin i duh chuan lehkha chhiar i peih a ngai a ni," a ti a. Diki chuan, "E! Chu vang chu a ni ngei ngei ang ka pu, thiante pawh i ngah viau ni," a ti a. Rema chuan, "Lehkha a chhiar hnem avangin maw thiante a ngah ?" a ti a. Diki chuan, "Ni e, a chhiar zau va, thil a hria a, sawi tur a hre tam a. Chuvangin, mite pawh hian kawm nuam an ti a, thian a ngah phah hle a ni." a ti a.