Q105
कोणत्या महिन्यांमध्ये घर सुखाने फुलून येते?
- (1) भाद्रपद – आश्विन
- (2) पौष – माघ
- (3) फाल्गुन – चैत्र
- (4) आषाढ – श्रावण
CTET 8 Feb 2026 Paper 1 Marathi, Question 105
सूचना : पुढील कविता वाचा आणि प्रश्न क्रमांक 100 ते 105 यासाठी योग्य पर्यायाची निवड करा.
फाल्गुन, चैत्रात
फुलून येतो वसंत
पानापानांत चैतन्य
नसे सृष्टीला उसंत
वैशाख, ज्येष्ठात
ग्रीष्माचा तडाखा
त्यातही गुलमोहर
हसतो सारखा
आषाढ, श्रावणात
पावसाच्या सरी
शेत डोलते झोकात
सुख येते घरोघरी
भाद्रपद, आश्विनात
शरदाचे चांदणे
शोभिवंत आकाश
गाई सुरेल तराणे
कार्तिक, मार्गशीर्षात
हेमंताचा गारवा
हुरडा, शेकोटीला चला
सांगे अवखळ पारवा
पौष, माघात
शिशिराचे आगमन
पानगळीनंतर पुन्हा
उमलते पान न् पान
प्रत्येक ऋतूचा
आहे महिमा वेगळा
नाना रूपांतून भरे
इथे निसर्गाची शाळा
Solution.
CBSE answer: (4)
उत्तर: (4) आषाढ – श्रावण
- आषाढ-श्रावणाच्या कडव्यात पावसाच्या सरी येतात आणि शेत झोकात डोलते.
- त्याच कडव्याची शेवटची ओळ आहे: 'सुख येते घरोघरी.'
- म्हणजे पावसाळ्यातील आषाढ आणि श्रावण या महिन्यांत घरोघरी सुख येते.
सावधान: (3) फाल्गुन-चैत्रात सृष्टी फुलते, पण घराघरात सुख येण्याचा उल्लेख आषाढ-श्रावणातच आहे.