Q104
ആത്മവിസ്മൃതിയിൽ തപസ്സു ചെയ്യുന്നത് ?
- (1) കാഞ്ഞിരമരം
- (2) പറമ്പ്
- (3) പൈങ്കിളി
- (4) മനുവംശം
CTET 8 Feb 2026 Paper 1 Malayalam, Question 104
താഴെക്കൊടുത്തിട്ടുള്ള പദ്യഭാഗം വായിച്ച് ചോദ്യങ്ങൾക്ക് (100-105) ശരിയുത്തരം തിരഞ്ഞെടുത്ത് എഴുതുക.
ഇല വിരിഞ്ഞപാടിളന്നീർ കായ്ച്ചൊരു
മലയാളത്തിന്റെ പറമ്പിതല്ലയോ
തപസ്സിലായഹം മറന്നു നില്ക്കുന്ന
വയസ്സൻ കാഞ്ഞിരമരമിതല്ലയോ ?
ഇതിന്റെ തുഞ്ചത്തിലിരുന്നല്ലോ പാടീ
ഇഹപരങ്ങൾതന്നിശകൾ പൈങ്കിളി,
മനുവംശമഹാചരിതമാകവെ-
യൊരു മായാമയപരമലീലയായ്
കളകാകളിയിൽ പകർന്നു പാടിയ
കിളിമകളേ, ഹാ, എവിടെ നീയിപ്പോൾ ?
അപൗരുഷേയത്തിന്നനുധ്യാനത്തിനാൽ
നിനക്കു കൈവന്നു കഴിഞ്ഞോ കൈവല്യം
ശുകതരുണി, നിൻ വചനപീയൂഷ–
ഝരിയിലാഹ്ലാദവിവശചിത്തനായ്,
മടിയിലായ് നിന്നെത്തഴുകി ലാളിച്ചു
കവിത പാടിച്ച കവിവരനെങ്ങോ ?
എവിടെ ദുഃഖത്തിൻ മുറിവുണങ്ങാതെ
കരളിലുള്ളൊരാത്തിരുവെഴുത്തോല ?
എവിടെയമ്മതൻ ചുടുമിഴിനീരിൽ
മുനയുരുകിയ പഴയ നാരായം ?
Solution.
CBSE answer: (1)
ഉത്തരം: (1) കാഞ്ഞിരമരം
- 'തപസ്സിലായഹം മറന്നു നില്ക്കുന്ന വയസ്സൻ കാഞ്ഞിരമരം' എന്നാണ് കവിതയിലെ വരി.
- 'അഹം മറക്കുക' എന്നാൽ തന്നെത്തന്നെ മറക്കൽ, അതായത് ആത്മവിസ്മൃതി.
- അതിനാൽ ആത്മവിസ്മൃതിയിൽ തപസ്സു ചെയ്യുന്നത് വൃദ്ധനായ കാഞ്ഞിരമരമാണ്.
ശ്രദ്ധിക്കുക: പൈങ്കിളി ആ മരത്തിന്റെ തുഞ്ചത്തിരുന്നു പാടിയതേയുള്ളൂ.